Beidh Lá Líonraithe bliantúil CREATE ar siúl i mbliana ar an 30 Samhain. Gheofar léargas ríshuimiúil ann ó chainteoirí náisiúnta agus idirnáisiúnta ar chleachtas ealaíon pobalghníomhach. Ar an lá, beidh deis ag ealaíontóirí den uile chineál páirt a ghlacadh i gcomhphlé saibhir maidir le cur chuige agus cleachtais éagsúla i leith na comhoibre.

Lá líonraithe agus comhroinnte le haoi-ealaíontóirí

Dáta:  30 Samhain

Láthair:  Áras Nua-Ealaíne na hÉireann, Cill Mhaighneann, Baile Átha Cliath 8

Am:  10.00 – 18.00

Costas:  12 euro (lón san áireamh)

NB: Imeacht saor in aisce é seo do bhaill CREATE. 

Díreoidh CREATE i mbliana ar cheist chasta na tacaíochta don chleachtas comhoibríoch. Cén chaoi a gcuireann comhlachtaí coimisiúnaithe obair chomhoibríoch fhadtréimhseach san áireamh, próiseas a tharraingíonn daoine agus áiteanna isteach go díreach ann? Cén chuma a bheadh ar na creataí institiúideacha ab fhearr a thacódh leis an gcleachtas comhoibríoch?

Beidh deis ag an lucht freastail teacht le chéile lena bpiaraí, caidreamh a dhéanamh le haoi-ealaíontóirí speisialta (nach mbeifear á bhfógairt roimh ré!), agus eolas praiticiúil agus inspreagadh a fháil ó chomhthionscadail bhríomhara ealaíon a cruthaíodh anseo in Éirinn agus thar lear.