Dáta Deireanach le haghaidh Iarratas: 06 Meitheamh 2019 Roinn: Roinn an Cheoil Scoil: Scoil na Scannánaíochta, an Cheoil agus na hAmharclannaíochta Conradh: Téarma Seasta Páirtaimseartha.

01 Meán Fómhair 2019 - 31 Lúnasa 2020

Táthar ag lorg iarratas ó shárealaíontóirí clúiteacha (ceoltóirí, amhránaithe, rinceoirí) a bhfuil an-teist orthu don fholúntas thuasluaite arna chomh-mhaoiniú ag Coláiste na nEalaíon, an Léinn Cheiltigh agus na nEolaíochtaí Sóisialta (COC) agus ag an gComhairle Ealaíon. Ó Mheán Fómhair 2019 go dtí Lúnasa 2020 an tréimhse atá i gceist.

Beidh an té a cheapfar mar chomhairleoir agus mar mheantóir d’ealaíontóirí traidisiúnta nua i bpobal COC agus cuirfidh sé/sí sé huaire a' chloig teagmhála ar fáil gach seachtain le ceardlanna, seimeanáir agus seisiúin chomhairleoireachta i rith théarmaí na hollscoile. Seinnfidh an té a cheapfar ag dhá cheolchoirm phoiblí agus beidh baint aige/aici le comhthionscadal idir an fhoireann agus na mic léinn a chuirfidh ábhar ealaíonta bunaidh os comhair an tsaoil mhóir. I rith laethanta saoire na hollscoile beidh an té a cheapfar in ann a c(h)uid tionscadal féin a chur i gcrích gan aon chur isteach.

Conas iarratas a dhéanamh:

Ba cheart iarratais a sheoladh mar cheangaltán le ríomhphost roimh an 06 Meitheamh 2019. Iarrtar ar iarrthóirí litir iarratais maille le C.V. a chur isteach in a bhfuil sonraí a bhaineann le hábhar, mar shampla ceolchoirmeacha, foilseacháin (CDanna, DVDanna, srl. san áireamh) agus gradaim go dtí an Dr. Tríona Ní Shíocháin, An Scoil Cheoil agus Amharclannaíochta, COC nó triona.nishiochain@ucc.ie .   

Is féidir teagmháil a dhéanamh le Tríona Ní Shíocháin má tá tuilleadh eolais uait ar shonraí, ar chúrsaí airgeadais nó má theastaíonn uait fiosrúcháin neamhfhoirmiúla a dhéanamh.

Beidh na hagallaimh ar siúl i gCorcaigh go luath i Mí Iúil.