Seo é an t-am sin den bhliain nuair a thosaíonn an Chomhairle Ealaíon an próiseas pleanála don bhliain dar gcionn, ag déanamh athbhreithnithe ar ár bpleananna agus ar ár gcláir agus ag cur lenár gcinnteoireacht chun tacú le méadú ar airgead poiblí do na healaíona. Le blianta beaga anuas, le gach caiteachas poiblí a dhéantar iarrtar sonraí agus fianaise a chur ar fáil chun infheistíocht an stáit, idir oideachas agus coimirce sóisialta, agus talmhaíocht go dtí an comhshaol a chainníochtú agus a thacú. Agus ní haon eisceacht na healaíona: Mar earnáil a fhaigheann airgead poiblí, tá sé an-fiúntach go deo aschur agus torthaí aon mhaoinithe a léiriú chun cás a chur i láthair chun maoiniú leanúnach agus méadaithe a fháil.
Gealladh inár straitéis, Saothar Ealaíne Iontach a Tháirgeadh agus inár bplean trí bliana 2017-19, go ndéanfaimid infheistíocht i dtaighde, i sonraí agus i gcláir faisnéise a mhéadaíonn ár n-eolas agus ár saineolas sna healaíona, a léiríonn agus a rianaíonn le himeacht ama tionchar ár n-infheistíochta ar shaol na n-ealaíontóirí, na bpobal agus na ndaoine a fhaigheann rochtain ar na healaíona agus a ghlacann páirt iontu.
Agus mar sin tá tús curtha leis an obair seo againn. Taighde a choimisiúnú, sonraí a ghabháil agus anailís a dhéanamh agus tuiscint níos fearr a fháil ar an eolas a chuir ealaíontóirí agus eagraíochtaí isteach chugainn. Tacaíonn sé sin linn chun tógáil ar ár saineolas, tacú le forbairt beartas agus tacú leis na healaíona ar fud an rialtais agus le páirtithe leasmhara eile ar bhealach níos inchreidte.
Táimid thar a bheith buíoch do na heagraíochtaí ealaíon, ealaíontóirí agus cleachtóirí go léir a thug an t-am chun eolas mionsonraithe a thabhairt dúinn faoina bpleananna, a gcláir agus a lucht leanúna -- cibé acu tríd an tuarascáil ar ghníomhaíocht ealaíon (AAR) atá tugtha isteach inár gcóras seirbhísí ar líne nó trí shuirbhéanna agus trí thuarascálacha eile. Ná bíodh aon amhras ort ach go bhfuilimid ag baint úsáide as an eolas luachmhar seo agus tá súil againn sna míonna amach romhainn daoine a thabhairt le chéile chun an méid atá foghlamtha againn ón eolas seo a roinnt leo i dtéarmaí treochtaí, iompraíochtaí lucht féachana agus éisteachta, tacaíochtaí cláir chomh maith le réimsí tacaíochta agus forbartha sa todhchaí trí idirghabhálacha beartais nó spriocdhírithe ar leith.
Is féidir linn pictiúr níos soiléire, níos mionsonraithe a fheiceáil cheana féin de na healaíona in Éirinn inniu, agus beidh sé seo fíorluachmhar dúinn maidir le beartas agus cinnteoireacht chomh maith le bheith ag moladh maoiniú poiblí a dhéanamh ar na healaíona.
Le gach dea-mhéin,
Orlaith McBride
Stiúrthóir
